Kya aapne kabhi socha hai ki kuch blogs Google ke pehle page par top mein kyun aate hain, jabki aapki badhiya likhi hui post kahin gum ho jati hai? Jawab "Kismat" nahi hai, jawab hai Blog Post Ranking Tricks.
Humne ab tak seekha ki AdSense Approval kaise lein aur Search Console Errors kaise fix karein. Lekin asli game tab shuru hota hai jab aapki post Google ke 1st Page par aati hai aur wahan se free ka organic traffic aana shuru hota hai.
Is detailed guide mein hum janenge ki blog post rank kaise kare, 2026 mein Google ka algorithm kya chahta hai, aur wo kaunsi "Secret Tricks" hain jo expert bloggers chhupate hain.
Google Ranking Kaise Kaam Karta Hai? (2026 Logic)
- Relevance: Kya aapka content user ke sawal ka sahi jawab de raha hai?
- Authority: Kya aap apne topic ke expert hain? (Isliye hum niche blogging karte hain).
- User Experience: Kya site tez khulti hai aur mobile friendly hai?
Trick 1: On-Page SEO ka Sahi Istemal
Agar aap puchte hain ki blogspot ranking tricks kya hain, toh sabse pehle apni post ko sudhariye. On-Page SEO aapke hath mein hota hai.
1. Title Tag aur Permalink
Aapka Title catchy hona chahiye aur usme main keyword shuruat mein hona chahiye. Permalink (URL) chota aur saaf rakhein.
Galat: domain.com/2026/01/blog-post-123.html
Sahi: domain.com/blog-post-ranking-tricks
2. Headings (H1, H2, H3)
Google bots insaan ki tarah pura paragraph nahi padhte, wo headings scan karte hain. Apne main keywords ko H2 aur H3 headings mein zarur use karein. (Jaisa hum is post mein kar rahe hain).
3. Internal Linking (The Power Move)
Ye sabse underrated trick hai. Apni nayi post se purani related posts ko link karein. Jaise agar aap ranking ki baat kar rahe hain, toh apni Mobile Blogging Guide ka link zarur dein. Isse Google bot aasani se puri site crawl kar leta hai.
Trick 2: Image SEO (Jo 90% Log Nahi Karte)
Bahut se naye bloggers Google Images se photo utha kar laga dete hain. Ye galti na karein. Blog post rank kaise kare isme images ka bada hath hai.
Apni images khud banayein (Canva se) aur uspar
apna copyright (©️ DL1997) lagayein. Upload karne se pehle file ka naam badal kar keyword rakhein (e.g., blog-ranking-tricks.jpg) aur Alt Text zarur bhare.
Trick 3: Backlinks (Quality vs Quantity)
Log puchte hain blogger post rank karne ke liye kitne backlinks chahiye? Sach ye hai ki 100 kharab backlinks se behtar hai 1 high-quality backlink.
- Comment Backlinks: Apne niche ke bade blogs par jayen aur wahan genuine comment karein (spam na karein).
- Guest Posting: Dusre bloggers ke liye free mein article likhein aur badle mein ek link mange.
- Social Signals: Post publish hote hi use Telegram, Pinterest aur Facebook par share karein. Initial traffic ranking boost karta hai.
Trick 4: Update Old Content (Ranking Booster)
Google ko taaza content pasand hai. Agar aapki koi purani post rank nahi kar rahi, toh use edit karein. Usme naye saal (2026) ki information dalein, nayi images lagayein aur phir se Search Console mein "Request Indexing" karein. Aap dekhenge ki ranking achanak badh jayegi.
Apni Ranking Check Kaise Karein?
How to check blog post ranking? Iske liye mehnga tool lene ki zarurat nahi hai. Aapka sabse bada dost Google Search Console hai.
Search Console mein "Performance" tab mein jayein. Wahan aapko dikhega ki aap kis keyword par kis position par rank kar rahe hain. Agar aap 10-20 position par hain, toh us post ko thoda aur improve karein, wo Top 5 mein aa jayegi.
Conclusion
Doston, blog post ranking koi jaadu nahi hai, ye ek process hai. Agar aap sahi keyword research karte hain, unique content likhte hain aur SEO ka dhyan rakhte hain, toh Google aapko ignore nahi kar sakta.
Aaj hi apni purani posts ko check karein aur unme ye tricks apply karein. Consistent rahein, safalta zarur milegi.
SEO Mein Dikkat Aa Rahi Hai? 📉
Apna blog URL comment mein dalein, hum check karke batayenge ki ranking kyun nahi aa rahi.
Exclusive Ranking Secrets ke liye hamara Telegram Channel join karein 👇
Join Telegram Channel 🚀
0 Comments
Post a Comment